Тоқаев жұмыс сапарымен Бішкекке барды

Қазақстан Президенті Қасым-Жомарт Тоқаев жұмыс сапарымен Қырғызстанның астанасы Бішкекке барды, деп хабарлайды Arbat.Media.

Мемлекет басшысы Қырғызстан президенті Садыр Жапаровтың шақыруымен Шанхай ынтымақтастық ұйымына мүше мемлекеттер басшылары кеңесінің 26-отырысына қатысады. Сондай-ақ Президент «ШЫҰ+» форматындағы кездесуге қатысып, бірқатар халықаралық және өңірлік мәселелерді талқылайды.

Бұдан бөлек, Қасым-Жомарт Тоқаев VI Дүниежүзілік көшпенділер ойындарының ресми ашылу салтанатына қатысады.

Қазақстан Президентін Бішкектегі «Манас» халықаралық әуежайынан Қырғызстан Министрлер кабинетінің төрағасы – Президент Әкімшілігінің басшысы Адылбек Қасымалиев қарсы алды.