Түркістан облысында жеңіл көлік алаңдағы бас шыршаға соғылды

Түркістан облысында шыршаны соғып кеткен жүргізуші жауапқа тартылды, деп хабарлайды Arbat.Media.

Түнгі сағат 03:00 шамасында Сарыағаш аудандық Полиция басқармасына белгісіз жүргізушінің орталық алаңға орнатылған жаңажылдық бас шыршаны соғып, оқиға орнынан жасырынғаны туралы хабарлама түскен.

Тәртіп сақшылары аумақтағы бейнежазбаларды толық зерделеп, құқық бұзушының жеке басын анықтады. Белгілі болғандай, ВАЗ 2105 көлігінің жүргізушісі шыршаны айналмақ болып, көлікті басқара алмай, соғып кеткен.

Оған қатысты қолданыстағы заңнамаға сәйкес әкімшілік шара қолданылып, автокөлік айыптұраққа қойылды.