Ұлытау облысында ірі есірткі арнасының жолы кесілді

Ұлытау облысында ірі есірткі жеткізу арнасын ұйымдастырғандар құрықталды, деп хабарлайды Arbat.Media.

Есірткі қылмысына қарсы іс-қимыл бөлінісінің қызметкерлері ірі есірткі жеткізу арнасын жойды. Ол елдің оңтүстік аймағынан ұйымдастырылғаны белгілі болды.

Жезқазған - Қарағанды автожолында есірткі тасымалдауға қатысы бар бес адам ұсталды. Көлікті тексеру кезінде 13 пакет ішінен 300 келіден астам марихуана табылған. Оның қара нарықтағы құны үш миллион АҚШ долларына жетеді. «Күдіктілер уақытша ұстау изоляторына қамалды. Ішкі істер министрлігі есірткіні өндіру мен тарату бойынша кез келген заңсыз әрекеттің жолын кеседі. Бұл бағыттағы жұмыс жалғасуда», — деді ІІМ есірткі қылмысына қарсы іс-қимыл комитетінің төрағасы Данияр Мейірхан.