Үстіне кондиционер құлап, мерт болған фельдшерге ауылдастары мемориалдық тақта орнатты

Ұлдана Мырзуан Астанада науқастарға шұғыл көмек көрсету барысында ауыр жарақат алып, ауруханада көз жұмған еді, деп хабарлайды Arbat.Media.

Түркістан облысы Жетісай ауданы, Ж.Ералиев ауылдық округіне қарасты Үтіртөбе елді мекенінің халқы ескерткіш тақтаны ауыл амбулаториясына орнатты.

Сондай-ақ ауылдағы демалыс және спорт аймағына Ұлдананың есімін берді.

Бұған дейін Астанада қалалық жедел медициналық жәрдем станциясы ғимаратының қабырғасына ескерткіш тақта орнатылған еді.