Үздік 10 ұстаз ұлттық сыйлық иегері атанды
«Қазақстан мұғалімі-2024» Ұлттық сыйлығының финалистерін салтанатты марапаттау рәсіміне әлемнің әр түкпірінен келген мұғалімдер, ғалымдар, сарапшылар қатысты. Бұл – Varkey Foundation бекіткен жаһандық мұғалімдер сыйлығы халықаралық байқауы шеңберінде «Қазақстан мұғалімі-2024» ұлттық сыйлығының иегері ретінде 10 үздік ұстаз анықталды. Байқаудың мақсаты – ұстаздық мамандықтың маңыздылығын көрсету ғана емес, сонымен қатар үздік мұғалімдердің еңбегін халықаралық деңгейде көрсету, - деп хабарлайды Arbat.media.
Биыл байқау рекордтық көрсеткішті көрсетіп, Қазақстанның түкпір-түкпірінен 2200-ден астам педагог қатысқан.
Арасынан 10 үздік ұстаз іріктеліп алынды.
Қатарында елордалық 2 ұстаз бар.
Олар Астана қаласындағы №71 мектеп-лицейінің математика пәні ұстазы Жунис Октябрина және Экономикалық лицейдің қазақ тілі және әдебиеті пәні ұстазы Нұржан Байсаков.
Үздік 10 ұстаздың қатарына енген елордалық 2 ұстаздың әрқайсысы 1 миллион теңгеден ақшалай сыйлық алды.