Wildberries даулы оқиғасы Қазақстан нарығына қалай әсер етеді
Wildberries Астанада жаңа логистикалық орталықтың құрылысын жалғастыруда. Қойманың ауданы 160 мың шаршы метрден асады, қазір құрылыс аумағында топырақ тегістеліп, бағаналар қағылып жатыр. Соңғы оқиғаларға байланысты компания Қазақстан нарығында қалай жұмыс істейді және тауарлардың кешігуі мүмкін бе — бұл сұрақтарға Wildberries Russ баспасөз қызметі жауап берді, - деп хабарлайды Arbat.media.
Бұған дейін Мәскеу орталығындағы Wildberries кеңсесінің жанында атыс болып, бірнеше адам ұсталған еді, - деп жазады Kazinform агенттігі.
Wildberries-тің негізін қалаушы Татьяна Бакальчук мұны Владислав Бакальчук, Сергей Ануфриев және Владимир Бакиннің жетекшілігімен ұйымдастырылған сәтсіз рейдерлік басып алу әрекеті деп бағалады.
Компанияның хабарлауынша, қазақстандық сатып алушылар барлық тауарды үйреншікті мерзімде алып келеді.
Ал жаңа логистикалық орталықтар арқылы Қазақстанда тауарларды жеткізу уақыты қысқарады — егер тауар жергілікті қоймада болса, ол шалғайдағы логистикалық орталықтардан емес, сол жерден жөнелтіледі.
«Жергілікті кәсіпкерлер сайтта өз ассортиментін едәуір кеңейтіп, оны компанияның барлық елдерінде сата алады. Елде үлкен логистикалық орталықтың болуы кәсіпкерлерге логистикалық шығындарды азайтуға мүмкіндік береді — олар барлық жеткізілімді басқа елдер мен аймақтарға емес, тікелей қоймаға жасай алады. Сонымен бірге, Wildberries пен Russ бірігуі маркетплейске қосымша жарнамалық құралдар береді, бұл маркетплейстің өзін де, оның серіктестерін де едәуір кеңейтеді», — деп жазылған компания жауабында.
Айта кетейік, маусым айының ортасына таман Wildberries маркетплейсі мен сыртқы жарнама операторы Russ компаниясы жаңа цифрлық сауда платформасын құру үшін бірігетін болып шешкен.
Владислав Бакальчук бұған қарсы болған. Ол «Вайлдберис» ашық акционерлік қоғамы акцияларының 1% ие. Қалған 99% компанияның негізін қалаушы, оның әйелі Татьяна Бакальчуктың иелігінде еді.
Wildberries пен Russ-тың баспасөз қызметі бірлескен компанияның осы оқиғалар кезінде де тұрақты жұмыс істеп жатқанын және өздерінің міндеттерін толық атқаратынын хабарлаған.
Татьяна Бакальчук 30 шілде күні Владислав Бакальчукпен ажырасу жөнінде сотқа арыз берген.