Хакерлер Instagram-дағы 17,5 млн қолданушының жеке дерек базасын бұзған

Instagram желісіндегі 17,5 миллион қолданушының жеке дерегі ұрланған, деп хабарлайды Arbat.Media.

Бұл туралы ақпараттық қауіпсіздікті қамтамасыз ететін Malwarebytes америкалық компаниясы хабарлады.

Ұрланған мәліметтің қатарында қолданушылардың аты-жөні, тұрғылықты мекенжайы, телефон нөмірлері, электронды пошта дерегі және өзге де жеке ақпарат бар.

Сарапшылар мұндай қауіптің алдын алу үшін Instagram аккаунттарын екі факторлы аутентификация арқылы қорғауға кеңес береді. Ал Meta корпорациясы аталған жағдайға қатысты әзірге ресми түсініктеме берген жоқ.