Хасан Қасымбаев кінәсін мойындамады

Талғарда Хасан Қасымбаевтың соты өтіп жатыр, деп хабарлайды Arbat.Media.

Оған адам ұрлау, денсаулыққа қасақана ауыр зиян келтіру және бопсалау баптары бойынша айып тағылған. Істе Қасымбаевтан бөлек, тағы 5 айыпталушы бар.

Бүгінгі сот отырысында прокурор Қасымбаевтың жеке адамға және мүлікке қарсы ауыр қылмыс жасағанын айтып, айыптау актісін оқыды. Алайда ол өзіне тағылған айыптарды мойындамады.

Айта кетейік, Қасымбаев былтыр қарашада үш жыл бұрынғы қылмысқа қатысы болуы мүмкін деген күдікпен қамауға алынған.