Заңсыз майнинг фермалары 1,3 млрд теңге залал келтірген

Заңсыз майнинг фермалары 1,3 млрд теңге залал келтірген, деп хабарлайды Arbat.Media.

2024 жылдың басынан бері жалпы 1,3 млрд теңгеге залал келтірген 17 қылмыстық іс тіркелді. Ең жиі анықталған заңсыз майнинг фермалары Астана қаласында – 6, Шымкент пен Қостанайда – 3 жағдайдан тіркелген.

Жалпы, 642 мың АҚШ доллары көлеміндегі цифрлық активтер тәркіленді.

Қаржылық мониторинг агенттігінің мәліметінше, кейбір заңсыз майнинг фермасы электр энергиясын ұрлау арқылы жұмыс істеген (5 ферма). Олардың тұтынған энергия көлемі ірі қаланың шығынына тең.