Жазғы демалыста 5,4 мың жасөспірім жұмысқа орналасты

Жазғы демалыста 5,4 мың жасөспірім жұмысқа орналасты. Бұл туралы Еңбек және халықты әлеуметтік қорғау министрлігі мәлімдеді, деп хабарлайды Arbat.Media.

Жазғы демалыста Enbek.kz платформасында кәмелетке толмағандар үшін «Менің жазғы каникулым» атты арнайы бөлім құрылған. Сол арқылы 14 пен 18 жас аралығындағы 5,4 мың қазақстандық жұмысқа орналасқан.

ҚР Еңбек кодексіне сәйкес, 14 жастан бастап ресми түрде жұмыс істеуге тек денсаулыққа зиян келтірмейтін және оқуға кедергі жасамайтын, сабақтан тыс уақытта орындалатын жұмыстарға ғана рұқсат етіледі.

Осы талаптарға сай келетін шамамен 80 мамандық белгіленген. Олардың қатарына тәрбиешінің көмекшісі, дүкен сатушысы, тазалаушы-жуушы, SMM-менеджер, курьер және басқа да қызметтер жатады.