Жазира Байырбекова келінін қалай қарсы алғанын көрсетті

Қазақстандық танымал әнші Жазира Байырбекова әлеуметтік желіде отбасындағы қуанышты жаңалығын бөлісті, деп хабарлайды Arbat.Media. 

Өнер иесі немере келінін ақ босағадан аттатып, дәстүрге сай қарсы алған сәтін жариялаған. Оның айтуынша, келінге май құйылып, аластап, ақ бата берілген.

«Апамыз немере келінін ақ босағадан аттатып, үйде күтіп алды. Май құйып, аластап, ақ батасын беріп, ақ ниетімен қарсы алды. Бұл да бір Алланың бізге нәсіп еткен үлкен бақыты… Аллаға сансыз шүкір! Тфай-тфай, көз тимесін! Келініміздің қадамы құтты, ғұмыры бақытты болсын!», – деп жазды әнші.

Желі қолданушылары да жылы лебіздерін білдіріп, жас келінге бақыт тілеп жатыр.