Зеленский: Украинаның шабуылды жалғастыру жоспары бар

Зеленскийдің мәлімдеуінше, Украинаның шабуылды жалғастыру жоспары бар, - деп хабарлайды Arbat.media.

Ұзақ уақытқа созылған қарсы шабуылға қарамастан, Украинаның келесі жылы өз аумақтарын қайтарып алудың «өте нақты жоспары» бар, деді Украина президенті Reuters Next конференциясында бейнебайланыс арқылы сөйлеген сөзінде.

Зеленскийдің айтуынша, Украина армиясы осы жылдың соңына дейін нәтиже көрсетіп, табысқа жетуге тырысады.

"Бірақ біз күн сайын адамдарды жоғалтамыз. Бұл шоу немесе фильм емес. Біз әлемдегі барлық адамды таң қалдырғымыз келмейді. Бірақ біз бір күнді жоғалтпауға тырысуымыз керек", - деді ол.