Жер сілкінісінен кейін жоғалып кеткен 160 адам әлі табылмады

Мьянмада зілзала құрбандарының саны 3600-ге жетті, деп хабарлайды Arbat.media.

Жараланғандар қатары – 5017 тұрғын. Ізім-ғайым жоғалып кеткен 160 тұрғын әлі табылмады. Елдің Метеорология және гидрология департаментінің мәліметтері бойынша, осы сәтке дейін 89 афтершок тіркелген. Олардың қуаты 2,8 балдан басталып, 7 жарым балға дейін жеткен.

Қиранды астында қалғандарды іздеу-құтқару жұмыстары жалғасып жатыр. Табиғи апат болған аймақта жаңбыр жауып, түрлі жұқпалы аурулардың таралу қаупін арттырды.