Жетісайда қой айдап кеткен ер адам жоғалып кетті
Түркістан облысы Жетісай ауданында 38 жастағы Мақсат Атабаев 25 күннен бері табылмай жатыр, деп хабарлайды Arbat.Media.
Мақсат Атабаевтың анасы Бибісара Жәнібекованың айтуынша, жалғыз ұлв Шардараға қой айдап кетіп, сол күйі жоғалып кеткен. Ол соңғы рет анасымен 2 тамыз күні түс қайта хәл-жай сұрасқан. Анасына амандығын айтып, Шардараға қой айдап кеткенін жеткізген. Бибісара Жәнібекова ұлын әлдекімдер күшпен құлдықта ұстап отыр ма деп күдіктенеді. Сонымен қатар бұл іске оның досының қатысы болуы мүмкін деп топшылайды.
«Күніге жолына қарап тілеп отырмын. Құдайдан үміті болса, жүрегінде иманы болса оның да бала-шағасы бар ғой кім ұстап отырса да жіберсе қайтеді?!», дейді Мақсаттың анасы.
Мақсат Атабаевтың тұрақты жұмысы болмаған. Шыққан жұмысты істеп, нәпақа тауып жүрген ол жалғыз анасымен бірге өмір сүрген.