“Жігіттердің арасында Шерзатты өлтіргендер жоқ”: Сотталған Нұрқияс Ілиясовтің әкесі дау шығарды

Шерзат Полаттың өліміне кінәлілердің бірі – Нұрқияс Ілиясовтің әкесі Төлетбек Ілиясов сот үкіміне қарсы шықты, деп хабарлайды Arbat.Media.

Оның сөзінше, марқұм Шерзат Полатты өлтірген адам сол түнгі жігіттердің ешқайсысы емес.

«Жігіттердің арасында Шерзатты өлтірген адам жоқ болып тұр. Ал олар осыны мойнына алып отыр. Менің ойым осы.

Апелляцияға береміз. Өте ауыр болып тұр. 9 жыл берді. 9 жыл деген оңай емес. 5-6 жыл берсе болар еді. Өзімнің ойым. Сотталмасын демеймін. Бірақ 9 жыл өте ауыр болып тұр», - дейді Төлетбек Ілиясов.

Айта кетейік, сот үкімі бойынша Шерзат Полаттың өліміне күдіктілер 7 жылдан 23 жылға дейінгі аралықта сотталды.

Сонымен қатар сотталғандар Қаржаубай Нұрымовқа қомақты көлемде қаражат беруіге міндеттелді.