“Жойқын жер сілкінісі”: Бір адам қаза тапты

Түркияда жойқын жер сілкінісі болды, деп хабарлайды Arbat.Media.

Жерасты дүмпуі Мугла қаласының Мармарис ауданынан 10,43 км қашықтықта жергілікті уақыт бойынша 02:17-де (Астана уақыты бойынша 04:17) тіркелді. Бұл туралы Түркияның Төтенше жағдайлар басқармасы хабарлады.

Жер сілкінісінің ошағы 67,91 км тереңдікте орналасқан.

TRT Haber телеарнасының хабарлауынша, жер асты дүмпулері Түркияның 5 қаласында сезілген.

Апат салдарынан 1 адам қайтыс болып, 69 адам жарақат алған.

Мугла провинциясы губернаторының айтуынша, 69 адам медициналық көмекке жүгінді. Ал өзін құтқарамын деп биіктен секірген 14 жастағы жасөспірім ауруханада көз жұмды.

Бұл туралы елдің ішкі істер министрі Али Ерликая айтты.

69 адам биіктіктен секірген, 46-сы ауруханаға жатқызылды.