Жол апаттарының алдын алу үшін жаңа әдіс енгізіледі

Тасжолдарда жол апаты жиілеуіне байланысты ІІМ барлық жолға талдау жүргізіп, аса қауіпті учаскелерді анықтаған, деп хабарлайды Arbat.media.

Жолдың сол бөліктерінде жаңа тәсіл, яғни жолды тарылту әдісі енгізіліп жатыр.

Яғни, бұрын үш жолақты болған трассалар, екі жолаққа ауысады.

Қауіпті жол бөліктерінде қозғалыс жолағы кішірейген кезде жүргізуші автоматты түрде жылдамдықты азайтып, сақтық танытады. Мамандардың айтуынша, бұл әдіс жол апатын азайтуға септігін тигізеді.

Айта кетейік, былтыр елде 32 мыңға жуық жол апаты тіркелген. Салдарынан 43 мыңнан астам адам зардап шегіп, 2579 азамат қаза тапқан.