Азиада: Қазақстан 40-шы жүлдесіне қол жеткізді

Велоспортшы Рината Сұлтанова Азия ойындарының қола жүлдегері атанды, - деп хабарлайды Arbat.media.

Бұл туралы Sports.kz жариялады.

Рината тасжолдағы жарыстың жекелей сынына қатысып, мәре сызығына үшінші (+1:00.11) келді.

Өзбекстаннан  Ольга Забелинская (24:35.99) мен жапониялық Эри Ёнамине (+59.60) бірінші және екінші орынды өзара бөлісті.

Жарыс жолына 14 спортшы шыққан болатын.

Бұл медаль Қазақстан құрамасының осы Азия ойындарындағы 40-шы жүлдесі және 29-шы «қоласы» болып тұр.

Сондай-ақ ұлттық құрама қоржынында төрт алтын, жеті күміс медаль бар.

Ханчжоудағы Азия ойындары 8 қазанға дейін жалғасады.