Дастан Сәтпаев «Челси» сапында дебют жасады

Кездесу клубтың жеңісімен аяқталды. Қазақстан құрамасының шабуылшысы Дастан Сәтпаев Лондонның Челси клубы сапында алғашқы матчын өткізді, деп хабарлайды Arbat.Media.

Бұл туралы британдық журналист Низаар Кинселла мәлімдеді.

17 жастағы шабуылшы Кобхэмдегі клубтың жаттығу базасында өткен жабық жолдастық матчта Кроули Таун командасына қарсы ойында дебют жасады. Сәтпаев алаңға екінші таймда шықты.

Кездесу Челси командасының 3:1 есебімен жеңісімен аяқталды. Алғашқы голды Джейми Гиттенс соқты, ал үзілістен кейін команданың жаңа ойыншысы Эммануэль Эмега және Лиам Делап мергендік танытты.

Матчты «Челсидің» жас ойыншылары бастады, олардың қатарында Махди Нишоль-Жазули мен Лэндон Эменало болды. Үзілістен кейін алаңға сондай-ақ Реджи Уотсон, Реджи Уолш, Райан Кавума-Маккуин, Калвин Диаките, Генезис Анви және Дастан Сәтпаев шықты.