Зәмзәгүл Файзолланова - Alash Pride лигасы тарихындағы алғашқы әйел чемпион

Ақтөбеде өткен Alash Pride FC 100 мерейтойлық жүзінші турнирінде Қорғаныс министрлігіне қарасты Армия Орталық спорт клубының спортшысы әлем чемпионы атанды, - деп хабарлайды Arbat.media.

Бұл туралы Egemen.kz жазады.

Капитан Зәмзәгүл Файзолланова өзбекстандық Ходжонисо Комолдинованы мерзімінен бұрын жеңіп, Alash Pride лигасы тарихындағы алғашқы әйел чемпион атанды.

Айта кету керек, спортшы ММА-да екі жылдық үзілістен кейін 77 кг салмақта өнер көрсетті.

«Мен өз күшіме сендім. Бұл турнирге де тек жеңіске жету үшін келдім. Менің мақсатым - алғашқы әйел чемпион атану еді. Арманым орындалды. Армия Орталық спорт клубына маған қолдау көрсеткені үшін алғыс айтамын», деді Зәмзәгүл Файзолланова.