Экс-министрдің ұлы Игорь Ильин Karabatan Utility Solutions бас директоры болды

Игорь Ильин «Karabatan Utility Solutions» ЖШС бас директоры болып тағайындалды, - деп хабарлайды Arbat.media.

Қазақ-британ техникалық университетін бітірген. Осы жылдар ішінде «Қазақ мұнай және газ институты» ЖШС ғылыми-зерттеу орталығының бас директоры болды, сондай-ақ «Aventis group» ЖШС-де жұмыс істеді.

2020 жылдан бастап «Самұрық-Энерго» АҚ сауда үйінің басшысы, кейін «Самұрық-Энерго» АҚ дамыту және сату жөніндегі басқарушы директоры қызметін атқарды.

Соңғы жұмыс орындары — «Орталық Азия электр энергетика корпорациясы» АҚ басқарма төрағасының коммерция жөніндегі орынбасары. 

Автоматтандырылған басқару жүйесін енгізу және электр энергетикасы саласында инновациялық жобаларды ілгерілету тәжірибесі бар.

Бұрынғы Төтенше жағдайлар министрі Юрий Ильиннің ұлы.

Karabatan Utility Solutions — Атырау облысындағы «Ұлттық индустриалды мұнай-химия технопаркі» арнайы экономикалық аймағында өндірістік және жалпы зауыттық инфрақұрылым объектілерін салатын оператор.