ЛГБТ-ны насихаттауға қарсы петиция қаралады

«E-Petition.kz» ресми порталында «Біз ҚР-дағы ЛГБТ-ны ашық және жасырын насихаттауға қарсымыз» петициясы ресми қаралуы үшін қажетті қол жинады. Енді оны ҚР Мәдениет және ақпарат министрлігі қарастыруға міндетті. Бұл туралы ведомствоның баспасөз қызметі мәлім етті, - деп хабарлайды Arbat.media.

Бұл туралы Kazinform агенттігі жазады. 

«ҚР ӘРПК-нің 90-4-бабына сәйкес, 50 000 қол жиналғаннан кейін, ҚР Мәдениет және ақпарат министрлігі өтінішті қарауға қабылдады. ҚР ӘРПК-нің 90-5-бабына сәйкес, петицияны қарау мерзімі — оны тіркеген сәттен бастап 40 жұмыс күніне дейінгі уақыт аралығын қамтиды», — делінген хабарламада.

ҚР Мәдениет және ақпарат министрлігі мүдделі тараптардың, мемлекеттік органдар мен қоғамдық бірлестіктер өкілдерінен құралған жұмыс тобының қызметін ұйымдастырады.

Өтінішті қарау процесі заңнама талаптарына сәйкес жүргізілетін болады.