Журналист
Украина G7 елдерінен ауқымды көмек алуы мүмкін. 13 маусымда Италияда басталатын G7 саммитінде Украинаға көмек көрсету туралы жаңа келісімге қол жеткізілуі мүмкін, деп хабарлады DPA-ға ЕО жоғары лауазымды шенеунігі.
Тәжікстан президенті Эмомали Рахмон 10 маусымда Душанбеде өткен Ұлттық даму кеңесінің отырысында құрғақшылық қаупі туралы ескерту жасады. Ол ауыл шаруашылығына зиянын тигізген 2024 жылдың көктеміндегі ұзаққа созылған жауын-шашыннан кейін кейінгі маусымдарда жауын-шашынның жеткіліксіз мөлшері байқалғанын атап өтті.
Қырғызстанда зауыт құрылысына оңтүстіккореялық компания қолдау көрсетпек. Жалпы құны 3,485 миллион доллар болатын жобаның құрылысы 2026 жылдың желтоқсан айында аяқталады деп жоспарлануда.
Қазақстан Интерполдың «Күміс бюллетень» жобасын енгізбек. Бұл жайында Бас прокуратура жанындағы активтерді қайтару комитетінің төрағасы Нұрдәулет Сүйіндіков Jibek Joly телеарнасы деректі фильмінде айтты. Оның атап өтуінше, аталған жобаның арқасында шетелдегі активтерді тиімді қадағалауға мүмкіндік туындайды.
Шымкентте асырап алған өгей әкесінен қорлық көрген жасөспірім туралы №2 қиын өмірлік жағдайдағы балаларға қолдау көрсету орталығының директоры айтып берді.
600-ге жуық қазақстандықтың шетелдегі есепшотына қатысты мәлімет алынды. Бұл жайында Jibek Joly телеарнасында деректі фильмде қаржы вице-министрі Ержан Біржанов айтты. Оның атап өтуінше, қазақстандықтардың шетелдегі қаржылық операцияларына қатысты мәлімет алу жұмысы жүргізіліп жатыр.
Қазақстаннан баға жетпес жәдігерлер сыртқа шығарылған. Бұл жайында Бас прокуратура жанындағы активтерді қайтару комитетінің төрағасы Нұрдәулет Сүйіндіков Jibek Joly телеарнасының деректі фильмінде айтты. Еліміздегі және одан тысқары жерге шығарылған активтерді қайтаруға бағытталған күрделі процесс басталды. Осыған орай Бас прокуратура халықаралық ынтымақтастық аясында түрлі елге мүліктерді бұғаттау және тәркілеу бойынша сұраныс та жіберіп отыр.
Биыл елімізде жол жөндеу көлемі бойынша рекорд орнатылады. Бұл туралы БАҚ өкілдеріне арналған брифинг барысында ҚР Көлік министрі Марат Қарабаев мәлімдеді. Мемлекет басшысының тапсырмасына сәйкес, биыл Кеңес заманынан бері жөндеу көрмеген жолдар ретке келтірілмек.
Бейнеу ауданы Сарға ауылындағы орта мектептің «Домбыра-Дастан» домбырашылар ансамблі Алматы қаласында өткен «Жаз дәурен» халықаралық фестивалінің бас жүлдесін (Гран при) жеңіп алды.