Журналист
Алматы облысының орталығында «Таза Қазақстан» акциясы жалғасып жатыр. Аталған эконауқанның аясында шаһардағы саябақтарға, ескерткіштердің маңына, көше бойына 70 мың гүл егілген.
Швеция Украинаға 1,16 миллиард еуро көлемінде әскери көмек көрсетеді. Швеция премьер-министрінің орынбасары Эбба Буш: «Біз Украинаға Ресей агрессиясына тойтарыс беру үшін он алтыншы, ең үлкен көмек пакетімен қолдау көрсетеміз», - деді.
Ресей Украинамен тұтқын алмасуды бірнеше айға тоқтатты. Бұл туралы «Коммерсант» Ресей Федерациясындағы Адам құқықтары жөніндегі уәкіл Татьяна Москальковаға сілтеме жасап жазады.
Нью-Йоркте Трамп тыңдаулары аяқталды.Қылмыстық процесте сот тараптардың соңғы пікірлерін тыңдады. Енді қазылар алқасы шешім қабылдауы керек - олардың консультациясы бірнеше сағаттан бірнеше күнге дейін созылуы мүмкін.
атыс Қазақстан облысы бойынша су тасқынынан зардап шеккен 9671 отбасына 3 млрд 570 млн теңге көлемінде бір жолғы әлеуметтік көмек берілді.
ЕО Грузияны «шетел агенттері» туралы заңның салдарымен қорқытты. Грузия парламенті ақыры қабылдаған «Шетелдік ықпалдың ашықтығы туралы» заң елдің ЕО-ға кіру болашағына кері әсерін тигізеді. Бұл туралы Грузияға Еуропа дипломатиясының басшысы Жосеп Боррелль ескертті.
ЕО Путинге ГУЛАГ салуға көмектесуді ақыры тоқтатады. Еуропалық Одақ Ресей Федерациясының бүкіл Федералдық қылмыстық атқару қызметіне, яғни ресейлік түрмедегілерге қарсы санкциялар салды.
Дания парламенті Палестинаны тәуелсіз мемлекет ретінде мойындаудан бас тартты. Палестинаның тәуелсіздігін тану туралы қарардың қабылдануына 83 депутат қарсы шықты. 21 депутат қолдап, тағы екі парламентарий қалыс қалды.
Грузия парламенті «шетел агенттері» туралы заңға қойылған ветодан бас тартты. Биліктегі «Грузин арманы» партиясының 84 депутаты ел президенті Саломе Зурабишвилидің «Шетелдік ықпалдың ашықтығы туралы» заңына қойған ветосын алып тастауға дауыс берді. Ветодан бас тарту үшін 76 дауыс жеткілікті болды.