Журналист
Түркияда өткен жергілікті сайлауда президент Ердоғанның Әділет және даму партиясы жеңіліс тапты. Оппозиция ірі қалаларда ғана емес, бірқатар облыстарда да жеңіске жетті.
Украина президенті Владимир Зеленский 25 жастан мобилизация туралы заңға қол қойды. «Әскери міндет туралы» заңға жұмылдыру жасын 27 жастан 25 жасқа дейін төмендететін түзетулер енгізілді.
Германия кеденінде санкцияға байланысты Ресейдің Росток портынан Atlantic Navigator II жүк кемесін ұстады.
Бишімбаевтың соты тікелей эфирден беріліп жатқаны белгілі. Қазақстандықтар аты шулы сот процесіндегі ақпараттармен танысуға мүмкіндік алады. Марқұм Салтанаттың ағасы Айтбек Амангелді мәйіт суреттерін эфирге шығаруға және жариялауға тыйым салуды сұрады. Судья Айжан Құлбаева бұл өтінішті қанағаттандырды.
Республика Сыртқы істер министрлігінің өкілі Айбек Смадияров ауқымды лаңкестік әрекеттер орын алған жағдайда кез келген мемлекет арнайы қауіпсіздік шараларын, оның ішінде тексерулер мен ұстауларды қабылдайтынын еске салды.
Киев 1000 км-ден асатын дрондарды жасап шығаратынын айтты. "Қолданылатын дрондардың көпшілігінің ұшу қашықтығы 700-ден 1000 км-ге дейін. Бірақ қазір 1000 км-ден астам қашықтыққа ұша алатын модельдер бар", - деді Украинаның цифрлық трансформация министрі Михаил Федоров.
Астана қаласының қылмыстық істер жөніндегі мамандандырылған ауданаралық сотында экс-министр Қуандық Бишімбаевқа қатысты сот отырысы жалғасып жатыр. Сот отырысы бастала сала, Бишімбаевтың қорғаушылары БАҚ пен әлеуметтік желіде қылмыстық істің материалдары жарияланып жатқанына шағымданып, соттан шара қолдануды сұрады. Бірақ мемлекеттік айыптаушы сот отырысы тікелей эфирде өтіп жатқанын, сондықтан бұл арыз негізсіз екенін айтты. Тіпті, судья қорғаушыларға ескерту жасады. Олар сотты және процеске қатысушыларды адастырды деп танылды.
Қорғаныс министрлігі мұндай шешімді «бюджет үнемдеу және басқа да мәселелерді шешу қажеттілігі негізінде» қабылдады. Бұған дейін әскери шеру жыл сайын ұйымдастырылып келгендіктен қазақстандықтардың санасында жылда өтетін дәстүрлі іс-шара ретінде қалыптасып қалғаны анық,.
Энергетика министрі Алмасадам Сәтқалиев жылу беру жүйесінде тарифтерді көтеру қажет екенін айтты. Оның айтуынша, Қазақстанда жылу электр орталықтарын жөндеуге 380 млрд теңге қарастырылған. Соның ішінде 361 млрд теңгесі тарифтер мен аталған станциялар иелерінің қаражаты есебінен бағытталады. Қалған 20 млрд теңге Үкімет резервінен бөлінбек.