Журналист
Биыл «Ауыл аманаты» бағдарламасы аясында 17 мыңнан астам жаңа жұмыс орны құрылады. Бұл туралы Сенат депутаттарының сауалына Премьер-Министр Олжас Бектеновтің жауабында айтылған.
Астанада Бишімбаевқа қатысты сот отырысы болып жатыр. Сот бұған дейін 12 алқабиді таңдаған. Прокурор Салтанат Нүкенованың жарақаттарын тізіп берді. Ал Бишімбаев кінәсін мойындамай отыр.
Ажырасулардың 40 пайызына лудомания тікелей себеп болды. Бұл туралы Парламент Мәжілісінде ойын бизнесі туралы заң жобасын таныстыру кезінде Мәжіліс депутаты Елнұр Бейсенбаев айтты.
Парламент Мәжілісінде «Қазақстан Республикасының кейбір заңнамалық актілеріне ойын бизнесі, лотереялар және лотерея қызметі мәселелері бойынша өзгерістер мен толықтырулар енгізу туралы» заң жобасы таныстырылды.
ҚР Жоғарғы соты сот процесіне қатысу үшін алқабилерді іріктеудің мән-жайы туралы түсінік берді.«Олардың жеке басын жарияламау маңызды. Сондықтан алқабилер алқасына кандидаттарды іріктеу міндетті түрде жабық сот отырысында өтуі керек, ал істі қарау кезінде алқабилерді түсіруге тыйым салынады», - делінген Жоғарғы соттың Kazinform агенттігіне берген жауабында.
Ресейлік депутаттар өлім жазасын қайтару туралы айта бастады. Олар Конституциялық сотқа сауал жолдамақшы. Мемлекеттік Дума спикері Вячеслав Володин Ресейде өлім жазасын қайтару мүмкіндігіне қатысты сөз сөйледі. Ол «Конституцияда да, қылмыстық заңнамада да өлім жазасын ешкім алып тастамағанын» айтып, Ресейде Еуропа Кеңесі алдындағы міндеттемелері аясында оған мораторий енгізілгенін еске салды.
Жазушы Сергей Жадан Украина Ұлттық гвардиясына қосылуды жоспарлап отыр. Украин жазушысы және Харьковтағы «Жадан және Иттер» тобының жетекшісі журналистерге Луганск облысының Серебрянск ормандарында әскерилерге көмек көрсеткен жоспарлары туралы айтып берді.
Хамас Израиль кепілдерін палестиналық тұтқындарға айырбастау ұсынысын қабылдамады, Биньямин Нетаньяху кеңсесі АҚШ-тың Палестина анклавындағы соғыс қимылдарын тоқтату туралы соңғы ұсынысына лаңкестік ұйымның көңілі толмады делінген. Оған Израиль түрмелеріндегі 700-ге жуық палестиналық тұтқынның 7 қазандағы лаңкестік әрекетте Хамастың кепілге алған 40 тұтқынының орнына босату қарастырылған.
2024 жылдың ақпан айында Мюнхен қауіпсіздік конференциясында Чехия үшінші елдерден Украина үшін 500 мың 155 мм калибрлі снарядтар мен 300 мың 122 мм калибрлі снарядтар сатып алу туралы бастама көтерді.