Оңтүстік Кореяның бұрынғы премьер-министрі 23 жылға сотталды

Оңтүстік Кореяда сот бұрынғы премьер-министр Хан Док Суды 2024 жылғы бүлікке қатысқаны және бұрынғы президент Юн Сок Ёльге көмек көрсеткені үшін 23 жылға бас бостандығынан айыру туралы үкім шығарды, деп хабарлайды Arbat.Media.

Сот Хан Док Суды көтерілісте негізгі рөл атқарды, жалған куәлік берді, ресми құжаттарды қолдан жасады және жойды деп таныды.

Айта кетейік, прокуратура бастапқыда оған 15 жыл жаза сұраған болатын.

2024 жылдың желтоқсанында Юн Сок Ёль қысқа мерзімді әскери жағдай енгізген еді. Осыдан кейін парламент пен Конституциялық сот оны биліктен шеттетті.

Сол кезеңде Хан Док Су премьер-министрдің міндетін атқарып қана қоймай, уақытша президент қызметін де атқарған.