Өзбекстан билігі үш теміржол вокзалын кәсіпкерлерге береді

Өзбекстан билігі үш теміржол вокзалын кәсіпкерлерге береді, - деп хабарлайды Arbat.media.

Өзбекстан кәсіпкерлері елдің үш қаласындағы теміржол вокзалдарында тауарларын өткізу және қызметтерін ұсыну құқығы үшін жарысады. Биыл қараша айында Ташкент, Самарқанд және Қоқан вокзалдарында бос орындар жалға беріледі. Бұл туралы Podrobno.uz хабарлайды.

«Сарапшылардың айтуынша, вокзалдар көптеген адам тартуға бірегей мүмкіндік береді. Пойызын күткен саяхатшылардың бос уақыты көп болып, түрлі қызмет қажеттігі туындайды», - деп жазады басылым.

«Ташкент-Орталық» стансасы компанияларды дамыту үшін кәсіпкерлерге төрт мың шаршы метрді жалға беруге дайын екені белгілі. Жалға алынған аумақтарда кеңселер, қала қонақтары мен трансфер күтетін жолаушылар үшін орналастыру орындары, техникалық қызмет көрсету станциялары және әртүрлі сауда алаңдарын ашуға болады.