Қырғызстан аумағында Ресейдің ұшағынан оқ-дәрілер түскен

Қырғызстан қорғаныс министрлігінің мәліметінше, оқиға 31 наурыз күні болған, деп хабарлайды Arbat.Media.

Қанттағы Ресей әуе базасының Су-25 ұшағынан оқу-жаттығу кезінде екі оқ-дәрі түсіп кеткен. Олар елді мекеннен тыс жерге құлаған. Зардап шеккендер мен қирандылар жоқ.

Ресейдің Әуе-ғарыш күштері құрған арнайы комиссия жақын арада оқиға орнына баратыны айтылды. Қырғызстан оқиғаның себептері анықталғанға дейін барлық оқу-жаттығу ұшуларын тоқтатты.

Қанттағы әскери аэродром Қырғызстанның Шу облысында орналасқан. Ол Бішкектен 20 шақырым, Қант қаласынан 2 шақырым жерде орналасқан. Ресей әуе базасын мемлекетаралық келісім негізінде пайдаланады.