Қырғызстанда іш киім мен шұлыққа елтаңба бейнелеуге тыйым салынуы мүмкін
Қырғызстан парламентінің депутаты мемлекеттік рәміздерді құрметтеу туралы заң талаптарын сақтау үшін елтаңба мен туды іш киім мен шұлыққа салуға тыйым салуды ұсынды, - деп хабарлайды Arbat.media.
Қырғызстанда іш киім мен шұлыққа мемлекеттік рәміздер суретін салуға тыйым салатын заң жобасы ұсынылды.
Бұл заң жобасына бастамашы болған Парламент депутаты Мейкінбек Әбдалиев мемлекеттік рәміздерге құрмет көрсету қажет, өйткені қолданыстағы нормалар сақтала бермейді деді.
«Бұл бейнелерді шұлық пен іш киімге салу мемлекеттік рәміздердің маңызын төмендетеді және құрметтемеу болып табылады», - деді Мейкінбек Әбдалиев.
Тыйым салуға жататын тауарлардың егжей-тегжейлі тізімін заң қабылданған жағдайда үкімет бекітеді.
Қырғызстан президенті Садыр Жапаров мемлекеттік туды өзгерту туралы заңға ағымдағы жылдың желтоқсан айының соңында қол қойды.
Қазір құжат заңды күшіне енді.
Мемлекет басшысы бұған дейін Парламент спикері Нұрлан Шәкиевтен тудың кейбір элементтерін өзгертуге бастамашылық етуді сұрағанын айтқан болатын. Заң жобасын депутаттар қолдады.
