ХАМАС екі жыл бұрын ұстаған тұтқындарды босатты

ХАМАС екі жыл бұрын ұстаған тұтқындарды босатты, деп хабарлайды Arbat.Media.

ХАМАС Израильге қайтаратын 20 тұтқынды босату процесін екі кезең бойынша жүргізеді. Кепілге алынғандардың бірінші тобы Нецарим дәлізі арқылы беріледі. Қалған бөлігі Хан-Юнисте босатылады. Кепілге алынғандардың отбасылары Израильдегі Реим әскери базасында жиналды. 

Израильдің кепілге алынған адамдарын босату ісі Дональд Трамп ұсынған формула бойынша — Газа секторындағы атысты тоқтату шарттарының бірі болды.

Америка президентінің өзі бүгін, 13 қазанда Израильге ұшып келді. Ол кепілге алынған адамдардың отбасылармен кездесуді жоспарлап отыр.

ХАМАС тобы 2023 жылдың 7 қазанында Израильге шабуыл кезінде 250-ден астам адамды ұстап әкеткен. Екі жыл ішінде олардың бір бөлігі босатылды. Көбі тұтқында өлтірілді. ХАМАС марқұмдардың денелерін берді. Ал бүгін соңғы қалған 20 босатылады.

Израиль 20 кепілге алынған адамды босатуға жауап ретінде 1900-ден астам палестиналық тұтқындарды босатуға уәде берді. Деректерге сүйенсек, олар қазір автобустарға мініп, Палестина аумағына барады.