АҚШ-тың Ұлыбританиядағы бұрынғы елшісі Эпштейн ісіне байланысты ұсталды

АҚШ-тың Ұлыбританиядағы бұрынғы елшісі Питер Мандельсон Джеффри Эпштейнмен байланысып, қызметтік өкілеттігін асыра пайдаланды деген күдікпен ұсталды, деп хабарлайды Arbat.Media.

Полицейлер Мандельсонды Лондондағы үйінен алып кеткен. Көп өтпей Лондонның Метрополитен полициясы 72 жастағы ер адамның мемлекеттік қызметтегі ықтимал заңбұзушылық күдігімен ұсталғанын растады. Ол жауап алу үшін полиция бөлімшесіне жеткізілген.

Қылмыстық тергеу Мандельсонның құпия құжаттарды жіберуіне байланысты басталған. АҚШ әділет министрлігі Джеффри Эпштейн ісіне қатысты құжаттардың соңғы бөлігін жариялағаннан кейін Мандельсонның 2009 жылы бизнес істері жөніндегі министр қызметінде жүргенде Эпштейнге үкіметтің ішкі құжатын жолдағаны анықталды.