Гонконгтегі өртте қаза тапқан әр адамның отбасына қандай көмек беріледі?

Гонконгтегі өртте қаза тапқан әр адамның отбасына 200 мың гонконг доллары беріледі, деп хабарлайды Arbat.Media.

Бұл туралы South China Morning Post хабарлады. Агенттік мәліметіне сәйкес, қаза тапқандарды жерлеу рәсімін ұйымдастыруға мемлекеттік қолдау көрсетіледі.

«Зардап шеккендерге 50 мың гонконг доллары (6,4 мың доллар) көлемінде жәрдемақы төленеді. Бұл – бұған дейін уәде етілген 10 мың гонконг долларына (1,3 мың доллар) қосымша қаражат. Әр отбасыға әлеуметтік қызметкер бекітіліп, тұрмыстық мәселелерін шешуге көмектеседі. Зардап шеккендерге уақытша баспана тегін беріледі», - делінген хабарламада.

Айта кетейік, өрт сәрсенбі күні Тай По ауданындағы Wang Fuk Court атты сегіз көпқабатты тұрғын үй кешенінде шығып, жеті үйді жалын шарпыған болатын.