Мексика алғаш рет әйел президентті сайлауы мүмкін

Мексика алғаш рет әйел президентті сайлауы мүмкін. Оның болашақтағы басты мәселесі - есірткі картельдері. Сауалнамалар көрсеткендей, Мексикадағы президенттік үшін бәсекеде Мехико қаласының бұрынғы мэрі Клаудия Шейнбаум сенімді түрде алда, ал оның ең жақын бәсекелесі - экс-сенатор Хочитл Галвес. Бақылаушылардың және әлемдік БАҚ-тың болжауынша, Латын Америкасының бұл мемлекетін тарихта алғаш рет әйел басқарады, - деп хабарлайды Arbat.media.

61 жастағы Шейнбаум Еуропадан қашып кеткен еврей иммигранттарының немересі. Ол Мексиканың қазіргі президенті Андрес Мануэль Лопес Обрадордың Ұлттық регенерация қозғалысы (MORENA) партиясының өкілі.

2 маусымда елде сондай-ақ Мехико мэрі, сегіз штат губернаторлары және парламенттің қос палатасының мүшелері сайлауы өтеді.

Сайлау жоғары деңгейде зорлық-зомбылықпен өтті – БАҚ бағалауы бойынша сайлау науқаны кезінде әртүрлі лауазымдарға 30-дан астам үміткер өлтірілді.

Барлығы 2023 жылдың қыркүйегінен 2024 жылдың сәуіріне дейін 400-ге жуық мексикалық саясаткерлер мен журналистер шабуылдардың құрбаны болды, деп хабарлайды жергілікті консалтингтік компания Integralia.

Оңтүстіктегі Чиапас штатында кейбір сайлау учаскелері «қарулы топ мүшелерінің болуына» байланысты ашылмады, деп жазады Франс Пресс.