Польшада Ресейге жұмыс істейтін хакерлер анықталды
Польшада Ресей Федерациясына жұмыс істейтін хакерлер анықталды. Ресей мен Беларусь мүддесін көздейтін хакерлер тобы Польша билігі мен мемлекеттік компанияларына кибершабуыл жасауды жоспарлаған, деп хабарлады елдің цифрландыру министрі Кшиштоф Гавковский. Оның айтуынша, хакерлердің міндеттеріне «ақша бопсалау, сондай-ақ ынтымақтастыққа мәжбүрлеу» кірген, - деп хабарлайды Arbat.media.
Мысал ретінде Гавковский тамыз айында белгілі болған Польшаның допингке қарсы POLADA агенттігіне жасалған хакерлік шабуылды келтірді.
Бұл деректердің шығып кетуіне әкелді деп хабарланды.
Министр жыл басынан бері Польшада 400 мың күдікті кибершабуыл тіркелгенін айтты.
Бүкіл 2023 жылы бар болғаны 370 мың болды.
Варшава 2025 жылы ұлттық қорғанысты, оның ішінде киберкеңістікті нығайтуға 186 миллиард злотый (48,5 миллиард еуро) немесе ішкі жалпы өнімнің 4,7%-ын бөлуді жоспарлап отыр – бұл ЕО елдері арасындағы рекордтық көрсеткіш.
