Қытай АҚШ-тың 20 қорғаныс компаниясына санкция енгізді
Қытай билігі Тайваньға ірі көлемде қару-жарақ жеткізу жоспарына жауап ретінде АҚШ-тың қорғаныс өнеркәсібіне қатысты 20 компания мен 10 басшыға қарсы санкциялар енгізді, деп хабарлайды Arbat.Media.
Бұл компаниялар мен тұлғалардың Қытай аумағындағы мүлкі мен активтері бұғатталады. Сондай-ақ Қытайдағы ұйымдар мен жеке тұлғаларға олармен кез келген мәміле жасауға тыйым салынды.
ҚХР Сыртқы істер министрлігі шешім ұлттық шетелдік санкцияларға қарсы іс-қимыл туралы заңға сәйкес қабылданғанын және бүгіннен бастап күшіне енетінін хабарлады.
Ведомство Тайвань мәселесі Қытай үшін «қызыл сызық» екенін атап өтіп, АҚШ-ты өз міндеттемелерін сақтауға және аймақтағы бейбітшілік пен тұрақтылыққа қауіп төндіретін Тайваньды қаруландыру әрекеттерін тоқтатуға шақырды.
