Канвон-2024: Керлингтен Қазақстан құрамасы ширек финалға шыға алмады

Оңтүстік Кореяның Канвон қаласында өтіп жатқан жасөспірімдер Олимпиадасында қазақстандық спортшылар керлингтен аралас жұптық сындағы іріктеу кезеңдерінің соңғы сынында Даниядан жеңіліп, ширек финалдан тыс қалды, - деп хабарлайды Arbat.media.

Бұл туралы Kazinform агенттігі жариялады.  

Аталған бәсекеде Қазақстан намысын ағайынды Ибрагим мен Мерей Тастемір қорғаған болатын.

Жерлестеріміз қарсыластарына 15:3 есебімен жол берді.

Енді ертең Астана уақыты бойынша 8:00-де шаңғы жарыстарынан аралас эстафетада құрамамыз соңғы Олимпиада жүлдесіне таласады. 

Оңтүстік Кореядағы жасөспірімдер Олимпиадасында Қазақстан намысын спорттың 5 түрінен 10 дисциплина бойынша 41 спортшы қорғап жатыр.

Канвонда қысқы жасөспірімдер Олимпиадасының алауы 19 қаңтар күні тұтанған болатын.
Жарыс 1 ақпанда мәресіне жетеді.