Мемлекет басшысы макроэкономикалық тұрақтылық мәселелеріне арналған жиын өткізді, деп хабарлайды Arbat.Media.
Мәжіліс депутаттары заңнамаға тұрғын үй саясатын реформалау бағытындағы өзгерістер мен толықтырулар енгізуді көздейтін заңды Сенат қосқан түзетулермен бірге қабылдады. Бұл заң арендалық пәтерде тұрып жүрген 51 мың адамның, тұрғын үй кезегінде тұрған 650 мың қазақстандықтың мүддесімен тікелей байланысты. Мәжілісте осы заң жобасымен айналысқан жұмыс тобының жетекшісі Ұлықбек Тұмашиновтың айтуынша,жаңа заң қолданыстағы заңнаманың 237 тұсына өзгеріс пен толықтыру енгізуі керек болған. Сенат оны өз тарапынан 4 позициямен толықтырыпты. Бірақ оның бәрі негізінен нақтылаушы сипатта. Яғни, Мәжіліс қабылдаған заңның тұжырымдамасы мен мазмұнын өзгертпейді.
Қырғызстанда ерікті және мәйіт донорлығын енгізу мәселесі талқылануда. Республиканың денсаулық сақтау министрі донорлық органдардың тапшылығы республикадағы шешуді қажет ететін өзекті мәселелердің бірі екенін атап өтті. Қырғызстанның денсаулық сақтау министрі Алымқадыр Бейшеналиев билік елде ерікті және мәйітті донорлыққа рұқсат бермекші деп мәлімдеді. Қазіргі уақытта трансплантацияға тек туыстары ғана донор бола алады.
Өзбекстан билігі президент пен кәсіпкерлердің ашық диалогын ұйымдастыру үшін Республикалық комиссия құру туралы шешім қабылдады. Сондай-ақ түрлі өңірлердегі бизнес мәселелерін шешу үшін жұмыс топтарын құру жоспарлануда. Президент Шавкат Мирзиеев 30 мамырда тиісті жарлыққа қол қойды.