Тәртіп сақшылары адам денсаулығына зиянды қорқор, электронды темекі және насыбай өнімдеріне қатысты рейд жүргізіп жатыр.
Астанада құқық қорғау органдарының қызметкерлері рейд барысында 2 тоннадан астам насыбай өнімін тәркіледі, деп хабарлайды елорда әкімдігінің ресми сайты.
Елордалық психикалық денсаулық орталығының психиатр-нарколог дәрігері Анар Тастамбекова насыбайдың адам ағзасына қандай зияны бар екенін түсіндірді. Оның айтуынша, Қазақстанда шамамен 29% адам өмірінде бір рет болса да насыбай қолданып көрген.
«Жігіттер, атпаңыздар насыбайды, нас атсаң, лас боларсың басыбайлы». Осылай деген мәжілісмен бесіктен белі шықпаған жас буынды лас әдеттен қорғауға шақырды. Жарқынбек Амантайұлы 4-5 сынып оқушыларының емін-еркін насыбай атып жүргеніне байланысты дабыл қағып, премьер-министрдің орынбасары мен ішкі істер министріне сауал жолдады.