Еңбекшіқазақ ауданы, Бәйтерек ауылдық округіне қарасты саяжайда Талгарирригация Р9 бетонды каналын су шайып кетті.
Су тасқыны басталғалы 107 465 адам, оның ішінде 38 627 бала қауіпсіз жерлерге жеткізілді. 11 786 адам үйлеріне оралды. Уақытша орналасу пунктеріне 7 598 адам, оның ішінде 3 288 бала орналасқан. Қазір Атырау, Ақтөбе, Ақмола, Қостанай, Батыс Қазақстан, Солтүстік Қазақстан облыстарында 4 870 жеке тұрғын үй, 1517 аула аумағы және 2 035 саяжай үйлері су астында қалған. «Жедел желі» телефондарына 1 667 қоңырау келіп түсті, 123 шұғыл психологиялық көмек көрсетілді. Еліміздің 8 өңірінде: Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында жергілікті ауқымдағы 36 ТЖ режимі күшінде.
Батыс Қазақстан облысында су тасқыны басталғаннан бері төрт аудан мен Орал қаласында 192 педагогтің үйін су басты. БҚО білім басқармасының басшысы Айгүл Мыңбаеваның өңірлік коммуникациялар қызметі алаңында өткен брифингте мәлім еткеніндей, соның ішінде 39-ы – Сырым ауданында, 30-ы – Қаратөбеде, 56-сы – Бөрліде, 35-і – Теректіде, 28-і – Орал қаласында, төртеуі облыстық мекемелерде жұмыс істейді.
Солтүстік Қазақстан облысы Ғабит Мүсірепов ауданы Новоишимское елді мекеніне су кіріп, кей жерлерде биіктігі 2 метрге дейін жетті. Үйлерін су басқан тұрғындар дер кезінде қауіпсіз жерге көшірілді. Ғ.Мүсірепов атындағы ауданның әкімі Руслан Аңбаевтың айтуынша, аудан бойынша жалпы 9 үйге су кірді. Оның 8-і — аудан орталығы Новоишимское елді мекенінде, біреуі — Дружба ауылында.
Астанада рұқсаты жоқ тұрғын үй кешені бұзылып жатыр.