Алматыда жылыту маусымы басталды

Алматыда әлеуметтік нысандарға бүгіннен бастап жылу беріле бастады, - деп хабарлайды Arbat.media.

«Алматы жылу желілері» мекемесі медицина, білім мекемелері мен өзге де әлеуметтік нысандарға 10 қазаннан бастап кезең-кезеңімен жылу береді.

Бірінші кезекте әлеуметтік нысандар жылу жүйесіне қосылады.

Жылу беру кезегі:

— балалар, емдеу, мектеп мекемесі, кәсіптік мектептер, медициналық-әлеуметтік мекемелер:

— тұрғын үйлер, жатақханалар, қонақ үйлер;

— әкімшілік ғимараттар, оқу орындары, театрлар;

— басқа да ғимараттар.

«Алматы жылу желілері» жылуды тұрғын үй басқару органдарына дейін жеткізеді, әрі қарай әр үйдің дайындығына солар жауапты. Тұтынушыларды жылумен жабдықтаудың ішкі жүйесіне қызмет көрсететін апаттық (сервистік) қызметтер — ПИК, МИБ апаттық жағдай болмаса, жылу беруді өз бетінше орындауы керек немесе осы қызметті орындайтын мекемені жалдауға тиіс».