Елімізде өмір сүру ұзақтығы 75 жастан асты
Қасым-Жомарт Тоқаев Денсаулық сақтау министрі Ақмарал Әлназарованың ведомствоның ағымдағы жұмысы және денсаулық сақтау жүйесін одан әрі дамыту жоспарлары туралы есебін тыңдады. «Президентке қазіргі өмір сүру ұзақтығы 75 жастан асқаны туралы хабарланды.Жыл басынан бері 21 инфекцияның, оның ішінде коронавирустың аурушаңдық деңгейі төмендеді», - деп атап өтті Ақордада, - деп хабарлайды Arbat.media.
Денсаулық сақтау министрі Елбасының тапсырмасына сәйкес медициналық қызметтердің сапасы мен қолжетімділігін арттыруға баса назар аударды.
Бастапқы және стационарлық медициналық көмекті ұйымдастырудың тәсілдері қайта қаралуда, диагностикалық және емдеу стандарттары жаңартылуда, саланың кадрлық әлеуеті нығаюда.
Медициналық мекемелердің тиімділігін арттыру және міндетті әлеуметтік медициналық сақтандыру жүйесін бақылау үшін заманауи цифрлық технологиялар енгізілуде.
«Президент емделушіге бағытталған медициналық көмекке баса назар аудара отырып, денсаулық сақтау жүйесін сапалы қайта құрылымдау міндеттерін қойды», - деп толықтырды баспасөз қызметі.
