Министр МӘМС жүйесіне енгізілетін өзгерістерді айтты

ҚР Денсаулық сақтау министрі Ажар Ғиният МӘМС жүйесіне қандай өзгерістер енгізу керектігін айтты, - деп хабарлайды Arbat.media.

Қаржы жүйесі актуарлық есептеулерге сәйкес өсіп келе жатқан шығысты еңсере алмағай, міндеттемелерін болашақта толық орындай алмайды деп болжап отыр. Жүйенің ұзақмерзімді қаржылық орнықтылығын қамту үшін келесі қажет шарттарды ескеру қажет. Біріншіден, 2025 жылдан бастап әр азамат міндетті салықтық декларациясын тапсырады. Сол арқылы сақтандырылмаған азаматтардың табысы белгілі болады және шамамен 700 мың адамды МӘМС жүйесіне енгізу ескерілген», - деді А. Ғиният.

Табысы төмен әрі ауылда тұратын шамамен 1,5 млн адам бюджеттік қаражат арқылы сақтандырылады. 2026 жылға қарай бұл халықтың кемінде 95 пайызын қамтуға мүмкіндік береді. Және мемлекет пен жұмыс берушілердің жарналарының мөлшерлемелерін кезең-кезеңімен көтеру қарастырылған.

Сақтандырылмаған адамдарға денсаулық және осы салаға қатысты мемлекеттік қызметтерді алу кезінде шектеу енгізу ұсынылады. Мәселен, көлік жүргізу, қару-жарақ сақтау және басқа да бағыттарда осындай шектеулерді қарастырған жөн деп санаймыз. МӘМС жүйесіне қатысты бюджеттік қаржыландыруды кезең-кезеңімен ұлғайту пысықталып отыр.