Амстердам: Палестинаны қолдайтын 280-нен астам шеруші ұсталды

Амстердам полициясы Палестинаны қолдайтын 280-нен астам шерушілерді ұстады. Нидерланды астанасында 7 қарашада израильдіктерге жасалған шабуылдан кейін енгізілген жаппай жиындар өткізуге тыйым салынғанына қарамастан наразылар 13 қараша күні кешке орталық Дам алаңына жиналды. Амстердам полициясының хабарлауынша, демонстранттар Палестинаны қолдайтын ұрандар айтып, кейбірі тұтқынға алуға қарсылық көрсетті, - деп хабарлайды Arbat.media.

Алаңдағы төбелестің видеосын зерттеуші журналист Дэвид Коллиер әлеуметтік желіде жариялады. Онда кейбір шерушілердің полиция қызметкерлеріне шабуыл жасағаны көрсетілген.

7 қараша күні бетперде киген адамдар Еуропа лигасында голландиялық «Аякспен» ойнаған «Маккаби» клубының израильдік жанкүйерлеріне шабуыл жасады.

10 қарашада Амстердамда палестиналықтарды жақтаған шеру өтіп, онда полиция ондаған адамды ұстады. 11 қараша күні кешке палестинаны қолдайтын бірнеше ондаған радикал елорданың батыс ауданында тәртіпсіздіктер ұйымдастырды.

Олар көліктерді сындырып, трамвайға шабуыл жасады: оның терезелерін сындырып, оған петарда лақтырып, оны өртеп жібермек болған. Жолаушылар қашып үлгерді.