АҚШ пен Иран 45 күндік бітімді талқылап жатыр

Ирандық делдалдар 45 күндік атысты тоқтату келісіміне қол жеткізу үшін соңғы әрекеттерін жасауда, деп хабарлайды Arbat.Media.

АҚШ, Иран және аймақтық делдалдар тобы 45 күндік ықтимал бітімнің шарттарын талқылап жатыр. Осыдан кейін соғыс толығымен тоқтауы да мүмкін. Бұл туралы келіссөздерден хабардар АҚШ, Израиль және аймақтағы төрт дереккөз мәлімдеді.

Дереккөздердің мәліметінше, алдағы 48 сағат ішінде ішінара келісімге қол жеткізу мүмкіндігі төмен. Егер келісім жасалмаса, соғыс күрт шиеленісіп, Иранның азаматтық инфрақұрылымына ауқымды соққылар жасалуы және Парсы шығанағы елдеріндегі энергетика мен су нысандарына ауыр соққылар жасалуы мүмкін.