Байден Израильге «бұрын-соңды болмаған» көмек көрсететінін жариялады

Байден Израильге «бұрын-соңды болмаған» көмек көрсететінін жариялады, - деп хабарлайды Arbat.media.

Бұл туралы АҚШ президенті Тель-Авивке сапары кезінде мәлімдеді.

Сондай-ақ ол Газа секторындағы аурухананы бомбалаумен байланысты Израильге тағылған айыптарды тағы да жоққа шығарды.

«Бізде бар ақпаратқа сүйенсек, Газа секторындағы ауруханадағы жарылыс лаңкестік топ қателесіп ұшырған зымыранның салдары сияқты», - деді Байден.

Байден, сондай-ақ, Иордан өзенінің батыс жағалауындағы және Газа секторындағы да палестиналықтарға гуманитарлық көмек ретінде 100 миллион доллар бөлетінін айтты.

Израильмен Газа секторына гуманитарлық көмек жеткізу туралы келісімге қол жеткізілді, деп қосты ол.