Болгария Тель-Авивтен 90 азаматын шығарып алды

Болгария Тель-Авивтен 90 азаматын шығарып алды, - деп хабарлайды Arbat.media.

Хамастың Израильге жасаған ауқымды шабуылдарынан кейін Болгария үкіметтік ұшақпен Тель-Авивтен 90 азаматын алып шықты.

Жексенбі күні Тель-Авивтегі Бен Гурион әуежайынан көтерілген Airbus ұшағы жергілікті уақыт бойынша сағат 18:00 шамасында Софияға қонды, деп хабарлады БТА ресми ақпарат агенттігі.

Бұған дейін Румыния Израильден 346 азаматын шығарған, деп хабарлады елдің Сыртқы істер министрлігі.

Польша мен Венгрия да эвакуация рейстерін жариялады.