DW: Қарабақтан келген босқындар не дейді

"Қарабақтан келген босқындар не дейді" — 100 мыңға жуық этникалық армян Таулы Қарабақтан Арменияға қашып кеткен, - деп хабарлайды Arbat.media.

DW тілшісі босқындар келетін шекаралық аймақтарды аралап, олардың кейбірінің айтқан әңгімесін жазып алған.

"Біз бәрімізден - үйімізден де, туған жерімізден де айырылдық. Бізді Армения да, Ресей де сатып кетті. Енді Арменияға көшуге мәжбүр болдық, бірақ не істерімізді, қайтерімізді білмейміз", - дейді Женя Петросян.

Ол Лачын дәлізі ашылған бойда басқа жеті отбасы мүшелерімен бірге Қарабақтан қашып кеткен.

«Ол жерде әзірбайжандар болса, біз қайтпаймыз, мен өз отбасымды оқтың астында қалдырмаймын және ондай тәуекелге бармаймын», - дейді Сероб деп атаған Қарабақтың Аскеран қаласының тұрғыны.

Ол бес адамнан тұратын отбасымен Арменияға баратын жолда «Жигули» көлігімен кептелістен өтіп, бір тәулікке жуық уақыт өткізген.

Таулы Қарабақтан келген босқын Армин тек бір нәрсені ойлағанын еске алады - «өзін және балаларын құтқару».

Көптеген босқын Армения мен Әзірбайжан әскерлері арасында мезгіл-мезгіл қақтығыстар болып тұратын Әзірбайжанмен шекарада тұрғылары келмейтінін айтады.

Армине: "Жетеді, бұл жеткілікті. Біз бейбіт өмір сүргіміз келеді. Біздің балалар да оқсыз,  бомбысыз, тыныш өмір сүруге лайық", - дейді.