Еуроодақ басшылары Украина әуе қорғанысын талқылайды

Еуроодақ басшылары арнайы саммитте Украина әуе қорғанысын талқылайды.  17-18 сәуірде Брюссельде өтетін кездесудің тақырыбы Ресей әуе күштерінің Украинадағы бейбіт тұрғындарға және оның маңызды инфрақұрылымына шабуылы болмақ, - деп хабарлайды Arbat.media.

Еуропалық Одақ басшылары Киевке Patriot әуе қорғаныс жүйелерін беру мәселесін талқылайды деп күтілуде, деп жазады DW.

Бельгия мен басқа да бірқатар елдер тыңшылық пен Ресейдің Еуроодақ институттарының қызметіне араласуы мәселесін көтеруге ниетті.

Бұған дейін Бельгия премьер-министрі Александр де Кроо маусым айында өтетін Еуропалық сайлауға Ресейдің араласуы мүмкін деген күдікпен тергеу басталғанын мәлімдеген.