Еуроодақ Қызыл теңізде әскери кемелерді орналастыратын болды

Еуроодақ елдері Қызыл теңіздегі коммерциялық кеме қатынасының қауіпсіздігін қамтамасыз ету үшін жоспарлы әскери операция туралы шешім қабылдады, - деп хабарлайды Arbat.media.

ЕО операциялық жоспары жүк кемелерін Йемендік хуситтердің шабуылдарынан қорғау үшін аймаққа еуропалық әскери кемелерді жіберуді қарастырады.

Аден шығанағындағы кемелерге шабуыл жасау арқылы исламистер Израильдің Газа секторындағы Хамас лаңкестеріне қарсы әскери операциясын тоқтатуды көздеп отыр.

Бүгін бортында 250 әскермен Қызыл теңізге бет алған операцияға Бундесвер тарапынан «Гессе» фрегаты қатысады.